काठमाडौं । स्वास्थ्य तथा जनसंख्या मन्त्रालयले नेपाल मेडिकल कलेज प्रा.लि. शिक्षण अस्पताल, अत्तरखेल, काठमाडौंलाई ५०० शय्याको जनरल अस्पतालका रूपमा सञ्चालन गर्न इजाजतपत्र नवीकरण गरेको छ।

सार्वजनिक स्वास्थ्य सेवा ऐन, २०७५ तथा सार्वजनिक स्वास्थ्य सेवा नियमावली, २०७७ अनुसार अस्पताल सञ्चालनका लागि आवश्यक प्रक्रिया पूरा भएपछि मन्त्रालयले अस्पताललाई ५०० शय्याको क्षमतामा सेवा सञ्चालन गर्न अनुमति दिएको हो।